«manfaatlar to‘qnashuvi» tegli maqolalar
Qonun buzilishi sababli qiymati 14 mlrd so‘mdan ortiq 9 ta davlat xaridi bekor qilindi
Korrupsiyaga qarshi kurashish agentligi jami qiymati 14 mlrd so‘mdan ortiq bo‘lgan 9 ta davlat xaridi bo‘yicha bayonnomalarni bekor qildirdi. Xususan, “Sho‘rtan gaz kimyo majmuasi” buyurtmachiligidagi 9,4 mlrd so‘mlik davlat xaridida affillangan shaxslar g‘oliblikni qo‘lga kiritgan.
“Manfaatlar to‘qnashuvi to‘g‘risida”gi qonun nega haligacha imzolanmadi? Senat raisi javobi
Senat raisi Tanzila Narbayeva BBC o‘zbek xizmatiga intervyu berib, unda Senat tomonidan tasdiqlanib, prezidentga imzolash uchun yuborilgan, ammo shundan so‘ng “yo‘qolib qolgan” “Manfaatlar to‘qnashuvi to‘g‘risida”gi qonun loyihasi haqida gapirdi. Uning aytishicha, hozirda hujjatni PA ekspertlari o‘rganmoqda.
Bir qator amaldorlar xususiy kompaniyalar ta’sischilari va boshqaruvchilari ro‘yxatidan chiqdi
Korrupsiyaga qarshi kurashish agentligi mansabdor shaxslar o‘rtasidagi manfaatlar to‘qnashuvi holatlari bartaraf etilganini xabar qildi. Ular orasida ikki nafar hokim, vazir o‘rinbosari, Farmatsevtika agentligi, Antidoping markazi, Markaziy depozitariy, PR-markaz va Axborotlashuv markazi rahbarlari bor.
Yangi Toshkent direksiyasi rahbari ta’sischisi uning qarindoshi bo‘lishi mumkin bo‘lgan bosh pudratchi bilan 350 mlrd so‘mlik shartnoma tuzdi
Yangi Toshkent direksiyasi rahbari Davronjon Adilov Gold Step Invest kompaniyasi bilan poytaxt va Yangi Toshkent o‘rtasida transport kesishmasini tashkil etish bo‘yicha to‘g‘ridan-to‘g‘ri shartnoma tuzdi. Kompaniyaning hammuassisi uning qarindoshi bo‘lishi mumkin. Loyiha qiymati 350 mlrd so‘mga baholanmoqda.
Senat “Manfaatlar to‘qnashuvi to‘g‘risida”gi qonunni ma’qulladi
Senatda “Manfaatlar to‘qnashuvi to‘g‘risida”gi qonun ma’qullandi. Endilikda ushbu munosabatlarni tartibga solish uchun Korrupsiyaga qarshi kurashish agentligi vakolatli organ bo‘lib, sohadagi faoliyatni muvofiqlashtiradi hamda manfaatlar to‘qnashuvi bilan bog‘liq holatlar aniqlanganda sudga da’vo kiritadi.
Senatda “Manfaatlar to‘qnashuvi to‘g‘risida”gi qonun va boshqa hujjatlar ko‘rib chiqiladi
Oliy Majlis Senati 1-iyun kuni chaqiradigan yalpi majlisida “Manfaatlar to‘qnashuvi to‘g‘risida”gi qonunni ko‘rib chiqadi. Parlament quyi palatasi bu qonunni oktabr oyida qabul qilgan. Yig‘ilishda yana bir qator qonunlar ham ko‘rib chiqiladi.
Andijon viloyati SSB rahbari manfaatlar to‘qnashuvi sababli lavozimini tark etishga qaror qildi
Yaqinda Andijon viloyati SSB boshlig‘i etib tayinlangan Jur’atbek Quvvatov tadbirkorlik faoliyatini davom ettirish va manfaatlar to‘qnashuviga yo‘l qo‘ymaslik maqsadida o‘z lavozimini tark etishga qaror qildi. U davlat xizmati to‘g‘risidagi qonun kuchga kirganidan keyin shunday qarorga kelgan.
138 nafar hokim va o‘rinbosarlari, 1092 nafar hokim yordamchisi tadbirkorlik bilan ham shug‘ullangan
Antikorrupsiya agentligi 1378 nafar davlat xizmatchisi, jumladan, 138 nafar hokim va o‘rinbosarlari, 1092 nafar hokim yordamchilari davlat ishi bilan birgalikda tadbirkorlik bilan ham shug‘ullanib kelayotganini aniqladi. Tenderlarda amaldorlar va ularning yaqinlari g‘olib chiqqan holatlar ham qayd etildi
Deputatlar manfaatlar to‘qnashuvi to‘g‘risidagi qonunni qabul qildi
Oliy Majlis Qonunchilik palatasi deputatlari tomonidan «Manfaatlar to‘qnashuvining oldini olish to‘g‘risida»gi qonun qabul qilinib, Senatga yuborildi. Mazkur qonunning qabul qilinishi davlat xizmatida tanish-bilishchilik, qarindosh-urug‘chilikning oldi olinishiga xizmat qilishi kutilmoqda.
Manfaatlar to‘qnashuvi haqidagi ma’lumotlarni deklaratsiya qilish taklif etilmoqda
Adliya vazirligi manfaatlar to‘qnashuvini alohida qonun bilan tartibga solish taklifini bildirdi. Unga ko‘ra, manfaatlar to‘qnashuvi to‘g‘risidagi ma’lumotlarni deklaratsiya qilish va oldindan xabar berish tartibi belgilanmoqda, bunga amal qilmaganlar esa jarimaga tortiladi. Antikorrupsiya agentligiga ma’muriy bayonnoma tuzish vakolatini berish rejalashtirilmoqda.
Shaxmat federatsiyasiga budjetdan mablag‘lar to‘g‘ridan-to‘g‘ri ajratilmagan — Antikorrupsiya agentligi
Antikorrupsiya agentligi Shaxmat federatsiyasi bilan bog‘liq moliyaviy operatsiyalarni o‘rganib, federatsiyaga 2020−2021 yillarda budjetdan mablag‘lar to‘g‘ridan-to‘g‘ri ajratilmaganini aniqladi. 2021 yilda faqat Turizm va sport vazirligi 6 ta tadbir uchun federatsiyaga 2,8 mlrd so‘m mablag‘ bergan. Agentlik Shaxmat federatsiyasi NNT bo‘lgani bois, uning faoliyatini to‘xtatib qo‘yish uchun hujjatlarni Adliya vazirligiga yubordi.
Firdavs Abduxoliqovga nisbatan ma’muriy ish ochildi
Bosh prokuratura Kinematografiya agentligi direktori Firdavs Abduxoliqovga nisbatan ma’muriy ish qo‘zg‘atdi. U o‘zining turmush o‘rtog‘i, qizi va o‘g‘li ta’sischilari bo‘lgan Sevimli telekanaliga davlat buyurtmalarini berganlikda gumon qilinmoqda. Abduxoliqov ko‘pi bilan 8,1 mln so‘m jarimaga tortilishi mumkin.
Qishloq xo‘jaligi vaziri o‘rinbosari o‘g‘lining kompaniyasi 9,9 mlrd so‘mlik tenderda g‘olib bo‘ldi
1 mln dona uzum ko‘chatlarini yetkazib berish bo‘yicha 9,95 mlrd so‘mlik tenderda qishloq xo‘jaligi vaziri o‘rinbosari, Qishloq xo‘jaligida milliy bilim va innovatsiyalar markazi (buyurtmachi) rahbari Alisher To‘rayevning o‘g‘liga tegishli kompaniya g‘olib bo‘ldi.
«O‘zbekneftgaz» tizimida ishlovchi xodimlar o‘rtasida 220 ta qarindosh-urug‘chilik munosabatlari aniqlandi
«O‘zbekneftgaz» AJning boshqarmalari (zavod), korxona va neft bazalarida ishlovchi xodimlar o‘rtasida 220 ta holatda qarindosh-urug‘chilik munosabatlari aniqlangan. Jumladan, korxonalardan biridagi bosh texnologning 5 ta qarindoshi qo‘l ostidagi asosiy ishlab chiqarish sexida ishlashi, boshqa bir energetikning 4 ta qarindoshi qo‘l ostidagi elektr ta’minot sexida faoliyat yuritishi ma’lum bo‘ldi.
Manfaatlar to‘qnashuvi uchun jinoiy javobgarlik belgilanishi kutilmoqda
Prezident farmoni loyihasiga ko‘ra, manfaatlar to‘qnashuviga yo‘l qo‘ygan mansabdor shaxslarga jinoiy javobgarlik belgilanishi kutilmoqda. Antikorrupsiya agentligiga manfaatlar to‘qnashuvi bilan bog‘liq shartnoma, buyruq va boshqa hujjatlarni to‘xtatish to‘g‘risida taqdimnoma yoki uni haqiqiy emas deb topish bo‘yicha sudga da’vo kiritish vakolati beriladi. 2022 yil 1 yanvarga qadar «Manfaatlar to‘qnashuvini tartibga solish to‘g‘risida» qonun loyihasi ishlab chiqiladi.
Korrupsiyada aybdor deb topilganlarni davlat xizmatiga qabul qilmaslik taklif etildi
Adliya vazirligi korrupsiyaga qarshi kurash bo‘yicha prezident farmoni loyihasini muhokama uchun e’lon qildi. Unga ko‘ra, korrupsion jinoyatni sodir etganlarning ochiq elektron reyestrini yuritish, ularning davlat xizmatida ishlashi va saylovlarda qatnashishini taqiqlash taklif etilmoqda. Shuningdek, korrupsiyaga oid jinoyatlar uchun javobgarlikning kuchaytirilishi kutilmoqda.
Prokuratura Andijonda davlat xaridlaridagi «tanish-bilishchilik» holatlarini o‘rganadi
Andijon viloyati prokuraturasi viloyat hokimligining «Yagona buyurtmachi xizmati» davlat xaridlarini o‘rganmoqda. Uning rahbari 20 mlrd so‘mlik davlat xaridlarini yutib olgan qurilish kompaniyasining ta’sischisi hisoblanadi. Boshqa ehtimoliy manfaatlar to‘qnashuvi holatlari haqida ham xabar qilindi.
Jizzaxda hokimning qiziga tegishli kompaniyaning 2 mlrd so‘mlik loyihalarni qo‘lga kiritgani o‘rganilmoqda
Korrupsiyaga qarshi kurashish agentligi Jizzax viloyatida ta’sischilari orasida viloyat hokimining qizi ham bo‘lgan kompaniya ko‘chalarni ko‘kalamzorlashtirish bo‘yicha ikkita tanlovda g‘olib chiqqani bilan bog‘liq holatni o‘rganishini ma’lum qildi.
Eng ko‘p o‘qilgan xabarlar | So‘nggi yangiliklar
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- Orolbo‘yidan 70 mln yillik dinozavr suyagi topildi
- O‘zbekiston Afg‘onistonga 169 tonnadan ortiq insonparvarlik yordamini yubordi (foto)
- “Afrosiyob” elektropoyezdlari uchun chiptalar narxi yana oshadi
- O‘zbekistonga pul o‘tkazmalari ko‘paydi, Rossiyaning ulushi esa kamaydi — Markaziy bank
Qo‘shimcha imkoniyatlarga ega bulish uchun saytda ro‘yxatdan o‘ting